Malayalam lyrics

ചന്ദനതെന്നലിൽ ആലോലമാടി
ചെമ്പനീർ പൂക്കളുറങ്ങീ
രാവിൻ്റെ നീല നികുഞ്ജതല്പങ്ങളിൽ
രാക്കിളി പാടിയുറങ്ങീ
ചെമ്പകപ്പൂമേനി നിന്നെയും കാത്തു ഞാൻ
അന്തിനിലാവിൽ തളർന്നു നിന്നു
നിൻമലർ പാദങ്ങൾ നോവാതിരിക്കുവാൻ
നീ വരും പാതയിൽ പൂ വിതറി
സ്വർണ്ണപ്പൂവിതറി
അമ്പിളിപ്പൊൻദീപം താനേ പൊലിഞ്ഞപ്പോൾ
എന്നന്തരംഗത്തിൽ അഗ്നിവീണു
അന്ത്യമായെങ്കിലും ഒന്നിങ്ങു വന്നെന്റെ
മന്ദസ്മിതം നീ ഏറ്റുവാങ്ങൂ
സഖീ ഏറ്റുവാങ്ങൂ

Song details

സംഗീതം: എ അനന്തപത്മനാഭൻ

ഗാനരചന: കൂര്‍ക്കഞ്ചേരി സുഗതന്‍

ഗായകര്‍: പി ജയചന്ദ്രൻ

വര്‍ഗ്ഗീകരണം: റേഡിയോ

വിശദവിവരങ്ങള്‍: ഓണാട്ടുകര, വാമദേവൻ

വിഡിയോ: വാമദേവൻ

Album: ആകാശവാണി ലളിതഗാനങ്ങള്‍