Chandanam Manakkunna / ചന്ദനം മണക്കുന്ന

Malayalam lyrics

ചന്ദനം മണക്കുന്ന കാട്ടിൽ പകൽ
ചന്ദ്രനൊളിക്കുന്ന കാട്ടിൽ (2)
താനേ പൊട്ടിച്ചിരിക്കും കാട്ടാറോ
ആറ്റിലെ ആമ്പൽപൂവോ
ആതിരക്കുളിർ കാറ്റോ
ആരാണിവൾ ഹാ ഹാ
(ചന്ദനം മണക്കുന്ന ..)
ഈറനുടുക്കും മാനം
മുടി കാറ്റിലൊതുക്കും നേരം
ജാലക്കാരൻ മയിലേ
നിൻ നീലപ്പീലികളെവിടെ (2)
ജാലക്കാരൻ മയിലേ
നിൻ നീലപ്പീലികളെവിടെ
പാടിപ്പാടി മയക്കും കുയിലേ
പുല്ലാങ്കുഴലെവിടെ ഹാ ഹാ
(ചന്ദനം മണക്കുന്ന ..)
പൊന്നിലഞ്ഞികൾ പൂക്കും
പാതിരാ പൂങ്കാവിൽ
നൃത്തം വെയ്ക്കാനണയും
വനദേവതമാരുടെ സഖിയോ (2)
നൃത്തം വെയ്ക്കാനണയും
വനദേവതമാരുടെ സഖിയോ
ഇവൾ ഋതുഭേദങ്ങൾ പുൽകിയുണർത്തും
വസന്ത കന്യകയോ ഹാ..ഹാ
(ചന്ദനം മണക്കുന്ന ..)