Roman script

bhulaa bhi de use jo baat ho gai pyaare

naye charaag jalaa raat ho gai pyaare

na teri yaad na duniyaa kaa gam na apana khayaal

ajib surat-e-haalaat ho gai pyaare

teri nigaah-e-pashemaan ko kaise dekhunga

kabhi jo tujhase mulaakaat ho gai pyaare

kabhi kabhi teri yaado ki saanwali rut me

bahe jo ashq to barasaat ho gai pyaare

wafaa kaa naam na legaa koi zamaane me

ham-ahal-e-dil ko agar maat ho gai pyaare

Explore this song