Malayalam lyrics

അറിയാത്ത ജീവിതയാത്രതന്‍ വഴി നീളെ
മലരല്ല മുനകൂര്‍ത്ത മുള്‍ത്തടങ്ങള്‍
തണലില്ല താങ്ങില്ല തഴുകുന്ന കരമില്ല
തളിരണിച്ചാര്‍ത്തില്ല വേനല്‍ മാത്രം
ദൂരേ അഴിമുഖത്തിരുളിന്റെ കടലു മാത്രം
ദൂരേ അഴിമുഖത്തിരുളിന്റെ കടലു മാത്രം
അറിയാത്ത ജീവിതയാത്രതന്‍ വഴി നീളെ
മലരല്ല മുനകൂര്‍ത്ത മുള്‍ത്തടങ്ങള്‍
എവിടെനിന്നോ വീണ കനലൂതിയുള്ളിലൊരു
പക വളര്‍ത്തഗ്നിപ്രളയമാക്കി
വനപുഷ്പ നിരകളെച്ചാരമാക്കി - പ്രാണ
മരുഭൂമിയില്‍ ചുടലനൃത്തമാടി - കന്നി
മണ്ണിലോ ചോരപ്പുഴയൊഴുക്കി
(അറിയാത്ത...)
എവിടെ സമാധാനം എവിടെയാ സാന്ത്വനം
എവിടെയാണര്‍ത്ഥമെന്നറിയുവോളം
നിലതെറ്റി മിഴിപൊത്തി അന്ധകാരത്തിന്റെ
പടുവഴിത്താരകളിലോടിയെത്തി - ഒടുവില്‍
ഒടുവില്‍ നീ നിത്യമായെന്തു നേടി
ഒടുവില്‍ നീ നിത്യമായെന്തു നേടി
എന്തു നേടീ...

Song video

Watch on YouTube

Song details

Music: ബേണി-ഇഗ്നേഷ്യസ്

Film/album: കനൽക്കിരീടം