ആലിലക്കാവിലെ തെന്നലേ

Malayalam lyrics

ആലിലക്കാവിലെ തെന്നലേ നിന്നെ ഞാൻ
താമരത്താലിയിൽ തടവിലാക്കും
കടുകുകൾ പൂക്കുമാ വയലുകൾക്കപ്പുറം
കുടിലിലേക്കിന്നു ഞാൻ കൊണ്ടു പോവും
കൊട്ടുണ്ടോ കുഴലുണ്ടോ കൂടേറാൻ
മഞ്ഞുണ്ടോ മഴയുണ്ടോ രാവുറങ്ങാൻ
കാലികൾ മേയുമീയാലയിൽ കാവലായ്
പാലു പോൽ പെയ്യാൻ നിലാവുണ്ടോ (ആലില...)
സ്വർണ്ണനൂലു പോൽ മെലിഞ്ഞ നിന്നെ ഞാൻ
സ്വന്തമാക്കുവാൻ വരുന്ന സന്ധ്യയിൽ
നാട്ടുമൈനകൾ പറന്നു പാറുമീ
കൂട്ടിനുള്ളിൽ ഞാൻ അലിഞ്ഞു പാടവേ
പൊന്നുരച്ചു പൊട്ടു തൊട്ട വെണ്ണിലാവു പോൽ
നിന്നെ വന്നു മുത്തമിട്ട രാത്രിയിൽ
മഞ്ഞെടുത്തു മാറ്റുരച്ച തങ്കമെന്ന പോൽ
നീ മിനുങ്ങി നിന്ന മാത്രയിൽ
കാലികൾ മേയുമീയാലയിൽ കാവലായ്
പാലു പോൽ പെയ്യാൻ നിലാവുണ്ടോ (ആലില...)
മാൻ കിടാവുകൾ പിടഞ്ഞു പാഞ്ഞു പോം
നെഞ്ചിലായിരം കിനാവു മിന്നവേ
പീലി നീർത്തുമീ മയിൽക്കുലങ്ങൾ പോൽ
ലോലലോലമായ് വിരിഞ്ഞു മാനസം
എന്റെയുള്ളിലെത്രയാശയാണതിൽ
നിന്റെ ചിത്രമൊന്നു മാത്രമല്ലയോ
നെയ്തലാമ്പൽ പോലെ നേർത്ത പെൺകിടാവു നീ നിന്നെ
സ്വന്തമാക്കും നേരമായ്
കാലികൾ മേയുമീയാലയിൽ കാവലായ്
പാലു പോൽ പെയ്യാൻ നിലാവുണ്ടോ (ആലില...)
------------------------------------------------------------------------

Song video

Watch on YouTube