Akathaaril Sreeraama / അകതാരിൽ ശ്രീരാമ

Malayalam lyrics

അകതാരിൽ ശ്രീരാമ പദകമലം വിടർന്നു
അഴലെല്ലാം മായ്ക്കുന്ന പ്രഭ വഴിഞ്ഞു
കരി പൂണ്ട കർക്കിട കദനങ്ങളെല്ലാം നിൻ
മഹിമയിൽ ഒന്നൊന്നായ് അലിഞ്ഞു തീർന്നു..
അലിഞ്ഞു തീർന്നു..
(അകതാരിൽ...)
സത്യധർമ്മങ്ങളെ ജീവിതയാനമാക്കി
മുക്തിക്കു മാർഗ്ഗങ്ങൾ നീയരുളി (2)
ആരണ്യകാണ്ഡങ്ങൾ അഭിരാമമാകുവാൻ
അവിടുത്തെ അപദാന കഥകൾ പാടാം
കഥകൾ പാടാം..
(അകതാരിൽ...)
അസുരാന്ധതയെല്ലാം ഭാസുരമാക്കുവാൻ
രാക്ഷസാന്തക നിൻ കൃപ ചൊരിയൂ (2)
തീക്ഷ്ണമീ ജന്മ ദുഷ്കൃത്യമകലുവാൻ
ഓർത്തുരുക്കഴിക്കുന്നു രാമമന്ത്രം ...രാമമന്ത്രം
(അകതാരിൽ...)