Agaadhaneelimayil / അഗാധനീലിമയില്‍

Malayalam lyrics

അഗാധ നീലിമയില്‍ അപാര ശൂന്യതയില്‍
കാലം കനകക്കിനാവുകളാലേ
കടലാസ്സു കോട്ടകള്‍ തീര്‍ക്കും
ഓരോ കടലാസ്സു കോട്ടകള്‍ തീര്‍ക്കും (അഗാധ)
അറിയാതെ അറിയാതെ അഭിലാഷങ്ങള്‍
അതിനുള്ളില്‍ മേഞ്ഞു നടക്കും മോഹം
മലര്‍മഞ്ചലേറി നടക്കും
ഒരു കൊടുങ്കാറ്റത് തല്ലിത്തകര്‍ക്കും
വിധിയുടെ മൌന വിനോദം ഇത്
വിധിയുടെ മൌന വിനോദം (അഗാധ)
ഒരു കോടി ഒരു കോടി നക്ഷത്രപ്പൂക്കള്‍
ഒരു രാത്രി കൊണ്ട് വിടര്‍ത്തും കാലം
ഒരു രാത്രി കൊണ്ട് വിടര്‍ത്തും
ഒരു രാത്രി കൊണ്ടവ തല്ലിക്കൊഴിക്കും
വിധിയുടെ മൌന വിനോദം ഇത്
വിധിയുടെ മൌന വിനോദം (അഗാധ)