Roman script
aaraam hai haraam
tum desh ke kone kone me
pahunchaa do ye paigaam
aaraam hai haraam
dekho pade hai desh me
ab tak kitane kaam adhure
milkar haath badhaao
tabhi ho sakte hai pure
jaao ek ho jaao
is desh ko swarg banaao
bhaarat kaa ho is duniyaa me
sabse unchaa naam
aaraam hai haraam
jaat paat ke bandhan todo
unch nich ko chhodo
naye samay se naye jagat se
apnaa naataa jodo
badlaa daag purana hai naya zamanaa hai
aisaa karo saveraa jiski
kabhi na aaye shaam
aaraam hai haraam
kabhi kisi ke aage na jholi phailana
chaahe rukhi sukhi hi
haatho se kamaakar khaanaa
yahi hai aan tumhaari
yahi jaan tumhaari
jisme apnaa sar jhukataa ho
karo na aisaa kaam
aaraam hai haraam
Explore this song